Nand’yan ‘yung mga bayarin, ‘yung mga kapit-bahay kaibigan at mga kamag-anak na dapat mong pakisamahan para matahimik ka lang. Sa dami ng nangyayari sa buhay, madalas ang pakiramdam eh parang nakakalunod na.
Lahat ng tao sa mundo, alam ‘yan. Pinagdadaanan nating lahat ‘yan. Kahit nga si Spiderman, alam din ‘yan.
Kahit nga si San Pablo, inamin n’ya na talagang mas madalas eh nakaka-sira ng ulo ang buhay.
Inaamin nga ni San Pablo na mas madalas, kapag talagang sobra na ang nararanasan n’ya sa buhay, may mga nakagawa rin siya ng mga bagay na hindi mo aakalain na magagawa niya bilang isang banal na lingcod ng Diyos. Ang sabi pa nga niya, “Hindi ko maintindihan ang aking sarili, lalo pa ang mga ginagawa ko kung minsan. Madalas kasi, ‘yung mga bagay na gusting-gusto kong gawin eh hindi ko magawa-gawa, at ‘yun namang mga gawaing talagang ayaw ko nang gawin sana eh paulit-ulit ko namang nagagawa… Talagang gusto kong gawin ang kung ano ang tama, pero talagang mahirap iton gawin. At ‘yung ayaw ko na sanang gawin pa, ‘yun ang mas amdalas kong nagagawa.” (Romans 7:15, 18-19)
Gan’un naman talaga. Kaya simula ngayon, tatantanan ko na ‘yung dati kong ginagawa na pagpupumilit na magmukhang masaya at tagumpay sa lahat ng oras dahiul lamang sa isa akong Cristianong mananampalataya. Kasi, talaga naming napakahirap magpuri sa Diyos kapag nakadapa ka at kumakain ng alikabok.
Ganu’n pa man! Panghahawakan ko pa rin ito – na kahit totoong napakahirap ng buhay at mas madalas na nagdadala ito ng inis at lungkot, hindi naman sa lahat ng oras ay nananatili itong gan’un. Dahil ako ay may PAG-ASAng pinanghahawakan, dahil ipinangako ng Diyos na “…Siya na nagsimula ng mabuting layunin sa iyong buhay ay magiging tapat hanggang sa maisakatuparan Niya ang layuning ito.” (Philippians 1:6)
O s’ya, sige, sa ngayon ang pakiramdam ko, walang ka-kwenta-kwenta ang araw na ito. Dispwes, hahayaan kong matapos nang gan’un ang napaka-walang-ka-kwenta-kwentang araw na ito. Dahil alam ko, umaasa ako, na pagtulog ko mamayang gabi ay matutulog ako ng mahimbing, dahil bukas, maaring hindi na ganito kasama ang magiging araw ko, at magbabago ang lahat para sa akin. Dahil bukas, ang araw na ito ay magiging isang masamang alaala na lamang.
Patuloy lang ang buhay! LABAN!!!
